Arestado ang duha ka mga persona nga ginaalegar nadakpan sang mga kapulisan nga nagahupot sang mga armas luthang sa isa ka binaylihan sa banwa sang Sapian, Capiz.
Ginkilala ang mga arestado nga sanday Stephen Becayo 33-anyos kag Federico Randy Ocate 31-anyos lunsay mga residente sang Barangay Dapdapan, Sapian, Capiz.
Nakabaton sang impormasyon ang mga pulis gikan sa mga barangay kagawad nga may yara sang duha ka mga persona nga nagahupot sang mga armas luthang sa diin gilayon man nga nagresponde ang mga kapulisan.
Narekober sa posisyon sang mga arestado ang isa ka unit sang Smith kag 357 Magnum nga may anum ka mga bala sang Caliber .38, Caliber .45 pistol kag 2 ka magazine nga may 14 ka mga bala kag isa ka holster.
Natalana naman nga pasakaan sang panumbungon nga paglapas sa RA 10591 ukon Illegal Possession of Firearms and Ammunition ang mga arestado.
