ROXAS CITY – Gin-preso ang duha ka mga indibidwal sa karsel sang Roxas City Police Station matapos nga gin-akusahan kag ginsumbag pa ang imbestigador sang nasambit nga police station.
Base sa nakuha nga impormasyon sang Bombo Radyo, nagpadulong sa estasyon sang pulisya sanday Mia Mae Gonzales kag Razel Mangalindan agud magpangayo sang responde bangud may yara sang kinagamo sa isa ka party club sa siyudad.
Apang sang pagguha sang imbestigador nga si Police Master Sergeant Ronnie Recto gikan sa banyo, nagtuad si Gonzales nga nakita niya ang amo nga pulis sa nasambit nga party club kag ginpangayuan sang responde apang wala sang aksyon nga ginhimo.
Bangud diri, ginsumbag ni Mangalindan si Recto sa nawong rason nga ginhunong ini ang mga ini sa sulod sang karsel.
