Nagdangat na sa 20 ang napatay sa paglupok sa isa ka pabrika sa Ryazan region sang Russia, sa diin 134 ang pilason.
Suno kay Pavel Malkov, ang gobernador sang Ryazan, nagsugod ang insidente sa pagluntad sang sunog sa talyer sang amo nga pasilidad.
Apang indi pa matumod kon ano ang gintunaan sang sunog ukon kon ano ang ginahimo sa pabrika. May mga report nga posible nagsugod ang paglupok sa pabrika, apang wala ini ginkumpirmar sang mga opisyal.
Sa karon, 31 sa mga pilason ang nagapabilin sa ospital samtang 103 naman ang padayon nga nagabaton sang outpatient treatment.
Ang mga video gikan sa Ministry of Emergencies sang Russia nagapakita sang kadakuon sang kahalitan, nga ang mga bombero kag mga search dog nagapangita sa narumpag nga tinukod.
Nagahatag man sang suporta ang mga psychologist sa mga apektado nga residente.
Padayon pa ang imbestigasyon sang mga otoridad sa gintunaan sang insidente.
