ROXAS CITY – Nagpablotter sa pulisya ang 22-anyos nga lalaki matapos ginaalegar na-motornap ang iya ginapanag-iyahan nga motorsiklo sa Barangay 5, Roxas City.
Ginkilala ang tagreklamo nga si Roberto Dela Hente sang Barangay Dumulog, Roxas City.
Suno kay Dela Hente nga gin-park sini ang nagaduag blue nga motorsiklo sa atubang sang CAPELCO office, apang sa iya pagbalik wala na sa ginbilinan nga lugar ang motorsiklo.
Ginpahayag ni Dela Hente nga masami sini ginabilin sa nasambit nga lugar ang iya nga motorsiklo rason nga kampante ang iya buot nga ibilin ini.
Aminado ini nga wala na-lock ang iya motorsiklo bangud guba ang lock sini rason nga posible nga madasig ini nga nasakyan sang kawatan.
Bangud diri, ginpakamaayo na lamang sang biktima nga i-report sa pulisya ang insedente.
Padayon naman ang imbestigasyon sang mga kapulisan agud suspek sa insedente.
