Patay ang 23 ka mga indibidwal kag 11 ang pilason matapos nagluntad ang sunog sa isa ka convenience store sa Sonora, Mexico kadungan sang pagselebrar sang tigkalalag sa pungsod.
Suno kay Carlos Freaner, presidente sang Mexican Red Cross, lakip sa mga biktima ang 12 ka babaye, 5 ka lalaki, kag 6 ka kabataan bangud sa paghaklo sang aso.
Ginklaro sang lokal nga gobyerno sang Sonora nga indi hungod ang insidente kag wala sang kahilabtanan sa terorista nga pag-atake base sa inisyal nga espekulasyon.
Padayon pa ang imbestigasyon sang mga otoridad sa gintunaan sang sunog.
Samtang, sa isa ka post sa social media, nagpalab-ot sang pagpakig-unong si Mexican President Claudia Sheinbaum Pardo kag nagpasalig sang gilayon nga bulig sang gobyerno sa pamilya sang mga biktima kag mga napilasan.Patay ang 23 ka mga indibidwal kag 11 ang pilason matapos nagluntad ang sunog sa isa ka convenience store sa Sonora, Mexico kadungan sang pagselebrar sang Day of the Dead sa nasambit nga pungsod.
