Nakabalhag ang Bureau of Fire Protection (BFP) sang 24 ka insidente sang sunog nga may kaangtanan sa palupok subong nga tuig.
Sa press briefing sang Department of Health kaangut sang paglunsyar sang Ligtas Christmas sa Bagong Pilipinas Campaign, ginpahayag ni BFP Community Relations Service Chief Fire Senior Inspector Gabriel Solano nga 15 sa mga sunog ang may kaangtanan sa pagsigabong sang palupok.
16 naman sa mga ini ang bangud sa mga lights.
Sa pagsulod sang Disyembre, isa ka kaso pa lamang ang nalista nila nga natabo sa Bacolod kun sa diin isa ka balay ang nasunog bangud sa ginsindihan nga palupok.
Panugyan sang BFP sa publiko, mangin mahinalungon sa paggamit sang palupok ukon kun mahimo nga likawan, indi na maggamit sini sa pagsaulog sa Bag-ong Tuig agud malikawan ang sunog.
