ROXAS CITY- Arestado ang tatlo ka mga indibiwal sa magkatuhay nga mga kabanwahanan sa Capiz matapos nga naglapas sa ginapatuman nga curfew hours sa probinsiya.
Una diri, naaresto ang duha ka wala na ginhingadlan nga mga persona sakay sa isa ka motorsiklo.
Apang, ginapahayag sang nasambit nga mga indibidwal nga magapauli naman sila kuntani sa ila nga balay.
Magluwas diri, nadakpan man sa Barangay Poblacion Norte, Ivisan ang isa ka 39-anyos nga persona nga si JR Ardo sang Barangay Poblacion Sur sang nasambit nga banwa.
Ginapahayag nga nadakpan ang nasambit nga persona nga yara sa idalom sang impluwensya sang makahulubog nga ilimnon nga nagalagaw sa dalanon kun sa diin wala pa ini nagpati sa mga otoridad nga magpauli sa ila balay.
Mahibaluan nga ginapatuman sa karon sa bilog nga probinsiya sang Capiz ang curfew hours humalin alas 8 sa gab-i tubtob alas 5 sa aga base sa Executive Order No. 11, series of 2020 nga ginpapanaog ni Capiz Governor Esteban Evan Contreras.
