ROXAS CITY – Guba ang duha ka mga sakayang pandagat sang Capiz Provincial Bantay Dagat, matapos ginapatihan ginhabuyan sang dinamita sang wala pa matumod nga persona.
Sa interview sang Bombo Radyo kay PMaj. Alfred De Leon hepe sang Pilar Municipal Police Station ginpahayag sini nga kagab-i may nabatian nga pagnilupok sa lugar kag kaina sang aga nakit-an na lamang sang grupo nga wasak na ang 2 nila ka sakayang pandagat nga gilayon naman nila nga ginreport sa kapulisan.
Suno kay De Leon, nagapadayon pa ang ila imbestigasyon kag ginapadalman agud matumod kung sin-o ang yara sa likod sang nasambit nga insidente.
Mahibaluan nga ang grupo sang Provincial Bantay Dagat, an nagasita sa mga mangingisda nga nagapatigayon sang illegal nga buluhaton sa kadagatan.
