3 pilason sa pagbungguanay sang duha ka motorsiklo sa Barangay Cabugao

ROXAS CITY – Nag-angkon sang pilas sa lawas ang tatlo ka mga persona matapos nga ginaalegar nagbungguanay ang duha ka motorsiklo sa Barangay Cabugao, Roxas City.

Base sa inisyal nga imbestigasyon sang Roxas City Police Station nga aksidente na lamang nga nagbungguanay ang motorsiklo nanday Eddie Borres sang Pasay City kag Ricky Oliva 25-anyos sang Barangay Lawaan sining siyudad kaupod ang backrider sini nga si Generoso Delantes 24-anyos sang Barangay Lawaan sa diin padulong na kuntani ang mga ini sa Crossing Camansi.

Bangud sa mabaskog nga impact sang pagkabunggo natumba ang duha ka mga motorsiklo rason nga nag-angkon ang mga ini sang pilas sa lawas nga gilayon naman gindala sa ospital agud madapatan sang nagakaigo nga pagbulong.