Masobra 300 ka tawo ang nagtingob sa siyam ka mga isla sa kalibutan agud malab-ot ang Guinness World Record para sa “most people snorkeling simultaneously” bilang kabahin sang kampanya para sa marine conservation.
Ginpangunahan sang snorkeling association nga Freedive Maldives kag 9 World Maldives ang makasaysayan nga event, sa diin 305 ka mga participants ang naglangoy kag nag-snorkel sa kadagatan.
Suno sa organizer nga si Fahd Faiz, indi lang ini para sa titulo nga Guinness kundi agud itudlo ang “reef-safe habits” pareho sang pagpreserbar sang mga coral reef kag pagrespeto sa wildlife.
Nangin madinalag-on naman ang record attempt sa bulig sang mga lokal, mga turista, kag suporta gikan kay Herbert Nitsch, nga kilala bilang “Deepest Man on Earth”.
Nagalaum naman ang grupo nga magaserbe ini nga inspirasyon para sa mga tawo nga mas maayo nga atipanon ang mga manggad sang kadagatan.
