-- ADVERTISEMENT --
ROXAS CITY – Arestado ang 31 anyos nga lalaki matapos nga ginserbehan sang mandiamento de aresto sang mga katapo sang Tapaz Municipal Police Station kag Mambusao MPS sa banwa sang Tapaz takna alas 4:40 sang hapon.
Ginkilala ang arestado kay Harold Fama Salar residente sang Brgy. Poblacion banwa sang Dumalag.
Sandig sa report sang Mambusao Municipal Police Station, magapangatubang sa kaso nga Frustrated Homicide si Salar sa diin ang warrant gin-isyu kag ginpirmahan ni Hon. Danielle Antonio Herardo, napetsahan Hulyo 15, 2012.
Ginrekomendar sang korte ang pyansa P24,000 para sa temporaryo nga kahilwayan sang arestado.
Sa karon, yara sa kostudiya sang Mambusao Municipal Police Station si Salar.
-- ADVERTISEMENT --
