Nakapauli na sa pungsod ang 31 ka mga Overseas Filipino workers (OFW) nga ginpa-evacuate gikan sa Middle East.
Ginsugata ini sila sang mga katapo sang Overseas Workers Welfare Administration (OWWA) kag sang Department of Migrant Workers (DMW) pag-abot sa Ninoy Aquino International Airport.
Ang 31 ka mga OFW ang ginkalakipan sang 26 nga mga Pinoy halin sa Israel, tatlo halin sa Jordan, isa sa Palestine kag isa man ang nagikan sa Qatar.
Ginsakyan sang mga ini ang Qatar Airways Flight QR 934 kag nag-abot sa NAIA takna las-8 sang gab-i.
Sila ang una nga batch sang mga ginpa-evacutae nga mga Pinoy nagikan sa kinagamo sa tunga sang Israel kag Iran.
Ginsiling ni DMW Secretary Hans Leo Cacdac nga na-delay sang makadali ang flight bangud sa temporaryo nga ginsuspendir sang Qatari ang air traffic.
Dugang pa sini nga mahatagan sang mga bulig ang mga OFW.
Sa kabilugan, 30,000 ka mga Filipinos ang may yara sang 311 na ang nagsabat sa repatriation.
