ROXAS CITY – Nagpa-blotter sa pulisya ang isa ka 33-anyos nga persona matapos ginaalegar nga ginkastigo sa Barangay Bolo, Roxas City.
Ginkilala ang biktima kay Eliseo Muyco sang nasambit nga lugar.
Ginaalegar ni Muyco nga samtang nagapauli ini sa ila balay, ginasundan na ini sang duha ka suspek nga sanday Henry Muyco kag Alyas Jojo sang nasambit man nga lugar sa diin sang malapit na ini sa ila balay hinali na lamang ini ginpulihan kastigo sang mga suspek.
Nakita pa sang iloy sang biktima nga ginapulihan kastigo sang duha ka mga suspek ang iya sini bata rason nga gintinghuan pa ini kuntani nga tambagan apang wala man ini nagpati sa iya rason nga naigo man ini sang pila ka mga sumbag sang mga suspek.
Bangud diri, nakabatyag sang pagpalanakit sa lawas ang biktima kag iloy sini rason nga ginpakamaayo na lamang nila nga iparekord sa pulisya ang insidente.
