Nakabaton sang social pension para sa third quarter ang kabug-usan nga 3,385 ka senior citizens sa Roxas City.
Sa interview sang Bombo Radyo kay Melvin Galagate, Head sang Roxas City Communications Group, iya ginpahayag nga ang social pension isa ka programa sang national government nga ginabuligan man sang Roxas City Government, samtang ang Department of Social Welfare and Development ukon DSWD ang nagapanguna sa pag-distribute sini.
Suno kay Galagate, 3,035 ka senior citizens ang nakabaton sang ila third quarter payout.
Samtang, nagdugang pa ang Roxas City Government sang 350 ka senior citizens nga gin-request agud mapun-an ang mga benepisyaryo nga nagtaliwan na kag indi na makabaton sang social pension.
Dugang pa ni Galagate, ang assessment sa mga kwalipikado nga benepisyaryo ginapatigayon sang DSWD sa koordinasyon sang tagsa ka barangay sa Roxas City.
Lakip sa mga kwalipikasyon ang pagkahimakas nga senior citizen, may balido nga Senior Citizen ID, kag wala sang pension nga nabaton halin sa Social Security System ukon SSS kag Government Service Insurance System ukon GSIS.
Ginpahanumdom man ang mga senior citizens nga nakabaton sang social pension nga gamiton ini sa ila importante nga mga kinahanglanon, lakip na ang maintenance medicines kag iban pa nga pang-adlaw-adlaw nga kinahanglanon.
