ROXAS CITY -Pilas sa nawala nga kamot kag kilid sang lawas ang naangkon sang 36-anyos nga manunudlo matapos nga ginbuno sa bilasyunan sa Barangay Aglanot, Dumarao, Capiz.
Ginkilala ang biktima nga si Ronilo Dagumampan, 36-anyos, residente sang nasambit nga lugar.
Base sa inisyal nga imbestigasyon sang Dumarao Municipal Police Station nga nagapungko ang biktima sa bangko sang hinali nga ginbuno sang suspetsado nga ginkilala nga si Nicasio Corcero, 40-anyos, residente sang nasambit nga lugar.
Gilayon nga gindala sa Dao District Hospital si Dagumampan apang gintransfer sa Roxas Memorial Provincial Hospital para sa nagakaigo nga pagbulong.
Samtang bolutaryo naman nga nagsuka sa mga kapulisan si Cartero matapos ang insidente.
Nahibaluan nga yara sa idalom sang impluwensiya sang makahulubog nga ilimnon si Corcero sang ginbuno ang biktima.
