37- anyos nga lalaki nasapwan patay sa banwa Tapaz

ROXAS CITY – Patay ang 37-anyos nga wala na ginhingadlan nga lalaki matapos ginapatihan nga nag-utas sang kaugalingon nga kabuhi, sa Barangay Poblacion, banwa sang Tapaz.

Base sa inisyal nga impormasyon nagikan sa Tapaz MPS, nasapwan nga wala na sang kabuhi sa sulod sang ila balay ang biktima takna 2:00 sang hapon.

Madasig man ini nga gindala sa Tapaz District Hospital apang gindeklarar na ini nga dead on arrival.

Nahibaluan nga nagasupreher ang biktima sang mental depression suno sa iloy kag nagapati ini nga wala sang foul play.

Nagapadayon ang imbestigasyon sang mga kapulisan angut sa insidente. Sa karon, yara na sa isa ka punerarya ang bangkay sang biktima.