38 ka mga Indibidwal, patay sa pagbunggu-anay sang bus kag minibus sa Tanzania

Naglab-ot na sa 38 ang napatay matapos nagbunggu-anay ang isa ka bus kag minibus sa Tanzania.

Natabo ang insidente sa Sabasaba sa rehiyon sang Kilimanjaro kun sa diin base sa imbestigasyon, naglupok ang goma sang amo nga bus.

Bangud sa insidente, nadulaan sang kontrol ang driver rason nga nabungguan niya ang nagapadulong nga minibus.

Apang 28 ang gindala sa ospital nga napilasan sa nagluntad nga insidente.

Nagpalab-ot naman sang ipagpakig-unong Si Presidente Samia Suluhu Hassan sa pamilya sang mga napatay nga mga biktima.