Nagapanawagan ang National Telecommunications Commission VI sa publiko nga indi na makabaton sang tawag, maka-send kag makabaton sang mensahe ukon maka-access sa internet sa tuig 2027 ang mga 3G-supported mobile devices kag SIM cards pagkatapos nga ma-deactivate sang ahensya ang tanan nga 3G networks sa Disyembre 31, 2026.
Sa interview sang Bombo Radyo kay Atty. Deo Virgil Tan, NTC Region 6 Legal Officer, iya ginpahayag nga madula na ang cellular service sang daan nga keypad phones kag smartphones nga nagagamit lamang sang 3G connectivity umpisa sa Enero 1, 2027, agud makahatag sang dalan para sa mas advanced nga teknolohiya.
Suno kay Tan, ang pag-upgrade sa 4G kag 5G networks ang magahatag sa mga users sang madasig nga mobile internet kag mas reliable nga call kag text services.
Ginpasiguro niya sa publiko nga may yara na sang mga barato nga keypad phones kag smartphones nga may 4G kag 5G networks nga mahimo mabakal.
Dugang pa sang natungdan, mahimo man nga mag-request ang subscribers nga baylohan ang SIM card gamit ang naga-eksister nga mobile numbers sa ila nga network providers.
