Apat nga mga lugar sa pungsod ang ginalauman nga makaeksperyensya sang “dangerous” heat index subong nga Miyerkules, Marso 5, suno sa Philippine Atmospheric, Geophysical and Astronomical Services Administration (PAGASA).
Base sa datos sang PAGASA takna alas 5:00 sang hapon, posible nga maglab-ot sa “danger level” ang heat index sang mga masunod nga lugar:
Legazpi City, Albay – 43°C
Virac (Synop), Catanduanes – 43°C
CBSUA-Pili, Camarines Sur – 43°C
San Jose, Occidental Mindoro – 42°C
Suno sa ahensya, ang heat index amu ang pagsukat kung ano kainit ang nabatyagan kung ang “humidity” ginalakip sa aktwal nga temperatura sang hangin.
Bangud sini, mahimo nga mabutang sa “danger” level ang mga heat index nagikan sa 42°C tubtob 51°C bangud posible diri ang “heat cramp” kag “heat exhaustion.”
