43-anyos nga ginang, arestado sa drug buy bust operation

ROXAS CITY – Tiklo ang 43-anyos nga ginang sang mga katapu sang Station Drug Enforcement Unit (PDEU) sa drug buy bust operation kagab-i sa Pavia St., Barangay 9, Roxas City sa pagpamuno ni Senior Inspector Hilbert Gervero sang PDEU.

Ginkilala ang subject person kay Marivic Bergantinos Devera sang Philippine Railway St., Roxas City.

Narekober sang kapulisan sa suspek ang anum ka sachet sang shabu, P1,000 nga marked money, cellphone kag lighter.

Samtang natalana nga ipaidalum sa drug test ang suspek kag laboratory examination ang narekober nga mga sachet sang shabu.

Magapangatubang sang paglapas sa RA 9165 ukon Comprehensive Dangerous Drugs Act of 2002 ang suspek.