ROXAS CITY – Nagapangatubang sa karon sang panumbungon nga paglapas sa Republic Act 9165 ukon Comprehensive Dangerous Drugs Act of 2002 ang lima ka mga indibidwal matapos nadakpan sa ginkasa nga drug buybust operation sang Philippine Drug Enforcement Agency (PDEA) – Region 6 sa Barangay 6, Roxas City.//
Sa interview kay PDEA 6 Team Leader Agent Jessie Cabututan, ginkilala ang suspek nga sanday Marie Beth Fortes, Chantal Marie Patricio, Redentor Amancio, Mary Ann Esperon, kag Abbie Gaile Delemos.
Nadakpan pa sa akto ang mga suspek nga naggagamit sang ilegal nga droga sa balay sang target sang operasyon nga si Fortes nga ginapahayag nagaserbi drug den.
Narekober sang mga otoridad ang lima ka mga medium-sized sachets sang shabu, walo ka magagmay nga sachet sang shabu, nga nagabalor tanan sang masobra 200 mil pesos, marijuana, mga drug paraphernalia, 10, 000 nga boodle ukon fake money nga gingamit bilang marked money kag masobra 300 pesos nga cash.
Sa karon yara na sa kustodiya sang PDEA sa syudad sang Iloilo ang nagkaladakpan kag natalana nga ipaidalom sa drug test.
