Naigo sang bala ang isa ka 54-anyos nga negosyante matapos ginluthang sang sa isa sa duha ka wala pa makilala nga lalaki sa Sitio Tuburan, Barangay Baye-baye, Jamindan, Capiz, passado alas 5:40 sang aga sang Agosto 16, 2026.
Ginkilala ang kapulisan ang biktima kay Glen Vadillo Calixterio, may asawa, negosyante kg residente sang nasambit nga lugar.
Base sa inisyal nga imbestigasyon sang Jamindan Municipal Police Station, nagabaligya sang gasoina nga ginatimpla ukon ginabaligya sa bote-bote si Calixterio, sang mag-abot ang duha ka suspek nga sakay sang motorsiklo.
Matapos ang transaksiyon, samtang nagahanda na ang mga lalaki sa paghalin , ginluthang sang backrider ang biktima sing makaisa kag nakaigo saw ala nga bahin sang iya tiyan.
Gilayon nga nagpangikyas ang mga suspek kag nagdiretso sa bahin sang Barangay Aglibacao, Jamindan
Gin-responde gilayon ang biktima sang Jamindan MDRRMO kag gindala sa Mambusao District Hospital para sa nagaka-igo nga pagbulong.
Samtang, nagpatigayon na sang hot pursuit operation ang mga personnel sang Jamindan MPS agud masundan kag madakop ang duha ka suspek nga nagpalagyo.
Padayon man ang imbestigasyon sang kapulisan agud matukiban ang motibo sa insidente kag mapanabat sa nagakaigo nga kaso ang mga responsable.
Ang mga detalye nagikan sa inisyal nga police report kag mahimo pa madugangan ukon magbag-o samtang nagapadayon ang imbestigasyon.
