Nakabalhag na ang Commission on Elections (Comelec) sang 66 ka kumpirmado nga sulod sa listahan sang mga kandidato sa 2025 senatorial elections, halin sa kabug-usan nga 183 senatorial aspirants.
Suno kay Comelec Chairman George Garcia, sila ang mga inisyal nga nausisa na sang ila nga Law Department kag kaupod sa ginrekomendar sa ila.
Wala pa ginpaguwa sang Comelec ang mga pangalan sang 66 ka kandidato.
Sa karon, suno kay Garcia ang ginapahayag nga padayon ang ginahiwat nga pagsala sa listahan sang mga nagsumiter sang certificate of candidacy.
Ginhatagan naman sang tubtob Lunes nga deadline ang mga luyag magfile sang petisyon agud madeklarar nga nuisance ang isa ka kandidato.
Target matapos sang Comelec Law Department ang listahan sang mga kandidato sa pagka-senador kag partylist sa Miyerkules nga isumiter sang mga ini sa Commission en Banc.
