Patay ang isa ka menor de edad samtang 6 naman ang pilason lakip na ang driver sang tanker truck matapos nagluntad ang vehicular accident sa Sitio Pook, Barangay Culasi, Roxas City, Capiz .
Ang driver sang fuel tanker amo si alyas Alex, 38 anyos, residente sang Barangay Tinigao, Kalibo, Aklan kag ang driver naman sang tricycle amo si alyas Lago nga residente sang Barangay Culasi, Roxas City.
Sa interview sang Bombo Radyo kay Police Lieutenant Colonel Rogelio Tomagtang Jr., Chief of Police sang Roxas Component City Police Station, iya ginpahayag nga natabo ang aksidente pasado alas-1:40 sang hapon, samtang nagaparking sa tuo nga bahin sang dalan ang tanker truck kag ang driver sang tricycle kag ang mga sakay sini ang nagapadulong sa Barangay Baybay sang aksidente ini nga bumunggo sa likod sang tanker.
Bangud sa impact, gilayon nga ginpadangat sa ospital ang mga sakay sang tricycle, apang ang isa sa mga sakay nga menor de edad ang ginbawian sang kabuhi bangud sa patal nga pilas.
Sa subong, padayon nga ginahulat ang mangin desisyon sang pamilya kun magapasaka sang kaso ukon indi.ulat ang mangin desisyon sang pamilya kun magapasaka sang kaso ukon indi.
