MANILA, Philippines – Ginaplano ni Batangas Representative Leandro Leviste, nga personal nga mag piyansa matapos magpagwa ang korte sang warrant of arrest.
Suno kay Attorney Antonio La Viña, si Leviste, nga ginreport nga yara sa France, nagaplano nga mag-post sang piyansa kag atubangon ang legal nga kaso nga may kaangtanan sa iya multi-billion nga solar firm, apang gin-ako ni La Viña nga wala siya kahibalo kon san-o ang insakto nga makabalik sa pungsod si Leviste.
Si Leviste naga-atubang sang warrant of arrest bangud sa ginapahayag nga paglapas sa Section 25 sang Public Service Act, kun sa diin nagabalor sang P72,000 ang piyansa para sa iya temporaryo nga kahilwayan, kaupod ang duha ka opisyal sang Solar Para sa Bayan Corporation, duha sa opisyal temporaryo nga nakagwa matapos maka piyansa sang Miyerkules.
Pahayag pa ni La Viña sa kaso, bilang kabug-usan kag indi bilang komento mismo sa kaso ang SPBC franchise exempted sa Public Service Act bangud ang franchise nga ginhatag sa kompanya “is not a public utility.”
Sa karon nagapati ang natungdan nga ang kaso nga ginatubang ni Leviste “does not live up to the no harm, no foul rule” nga nagakahulugan sang pagpangita pa sang krimen ukon paglapas nga igapasaka sa iya.
