Gindagdagan sang International Criminal Court (ICC) Trial Chamber III sang pito ka killing incidents nga may kaangtanan sa anti-drug campaign sa kaso nga crimes against humanity batuk kay former President Rodrigo Duterte.
Sa desisyon nga ginpagwa sang Oktubre 9, partially granted sang Trial Chamber ang request sang prosecution nga ilakip ang walo ka dugang nga insidente sa kaso nga ginpasaka sang nagligad nga Agosto.
Suno sa prosekusyon, ining dugang nga mga insidente nalakip sa sakop sang mga panumbungon nga ginkumpirma sa tion sang pre-trial stage sang mga trial.
Bangud sini, nagsaka sa 56 ang kabug-usan nga homicide incidents nga nasakop sang kaso gikan sa nagligad nga 49.
Antes sini, nagdeklarar man ang ICC Trial Chamber III nga may ikasarang si Duterte nga magpartisipar sa trial sa iya kaso.
Ginalauman nga maga-atubang liwat sa korte si Duterte sa isa ka status conference sa Oktubre 13, antes ang natalana nga pagsugod sang trial sa Nobyembre 30.
