Pabor ang kadam-an sang mga mamumugon sa 40-P60 nga wage increase sa Western Visayas kasunod sang ginpatigayon nga public hearing sang Regional Tripartite Wages and Productivity Board (RTWPB).
Sa interview sang Bombo Radyo kay Atty. Sixto Rodriguez Jr., Regional Director, DOLE Region VI, iya ginpahayag nga padayon nga ginduso sang labor union ang P250 across the board nga wages increase sa rehiyon.
Suno kay Rodriguez Jr., ginapamatian nila ang tanan nga suhestiyon sang nagkalain-lain nga sektor agud madesisyunan sang board kon ano ang makapamaayo sa mga mamumugon.
Dugang pa sang natundan, nga ila mangin desisyon ang igabase sa facts kag sang mga ebidensiya nga ginpresentar.
Posible naman nga magapagwa sang resolution ang Regional Tripartite Wages and Productivity Board 6 sa ginaduso nga wage increase bag-o matapos ang tuig 2026.
Nahibaluan nga ang ikatatlo nga public hearing ang gintambongan sang masobra 100 ka partisipante halin sa business kag labor sector sa Western Visayas.
