-- ADVERTISEMENT --
Ginkilala ang Pontevedra Municipal Police Station bilang Top 2 Operating Unit Police Station sang Capiz Police Provincial Office para sa bulan sang Setyembre 2026.
Sa interview sang Bombo Radyo kay Police Captain Maria Fe Umiten, hepe sang Pontevedra Municipal Police Station, iya ginpahayag nga ang pagkilala resulta sang ila mga operasyon batok sa iligal nga droga kag ilegal nga armas, pati na ang pagserbe sang mga warrant of arrest sa mga wanted person.
Suno kay Umiten, lakip sa ila mga accomplishment ang kampanya batok sa loose firearms, kun sa diin naglab-ot na sa 66 ka armas-luthang ang nasurrender sa ila talatapan.
Nagpanawagan man ini sa publiko nga padayon nga magkooperar sa kapulisan agud mapabilin ang kalinong kag seguridad sa banwa.
