-- ADVERTISEMENT --
Gin ganyak sang Roxas City Fire Station ang mga pumuluyo nga magpartisipar sa Dugong Bombo 2026 paagi sa pagdonar sang dugo.
Ginpakita ni FCINSP Arden G. Bedoña ang importansya sang boluntaryo nga pagdonar sang dugo agud makabulig sa pagluwas sang kabuhi sang mga pasyente nga nagakinahanglan sang dugang nga suplay sang dugo, ilabi na sa tion sang emerhensya.
Gin-awhag man niya ang publiko nga magpakita sang pagpakabana kag pagbinuligay paagi sa pag-apil sa amo nga aktibidad, bangud ang tagsa ka donasyon sang dugo may daku nga mahimo nga mabulig sa mga nagakinahanglan.
Ang ini nga pag-agda kabahin sang pagpalapnag sang kaalam parte sa importansya sang blood donation kag pagpalig-on sang espiritu sang pag-alagad sa komunidad.
