Arestado ang isa ka lalaki matapos mag-amok sa Barangay Mongpong, Roxas City.
Ang biktima amo si alyas “Kokok,” samtang ang arestado amo si alyas “Mav,” 37-anyos kag residente man sang nasambit nga lugar.
Sa interview sang Bombo Radyo kay Police Lieutenant Colonel Rogelio Tomagtang Jr., hepe sang Roxas City Police Station, iya ginpahayag nga nagakatulog ang biktima kag gilayobn ini nga nakabugtaw bangud sa mabaskog nga tunog nga halin sa atop sang ila balay.
Suno kay Tomagtang, ginapatihan nga yara sa impluwensya sang makahulubog nga ilimnon ang arestado sang natabo ang insidente.
Dugang pa sini, base sa inisyal nga imbestigasyon, ginatan-aw nga posible nga misunderstanding ang motibo sa insidente sa tunga magtimbang nga bahin.
Sa subong, preso na ang arestado sa Roxas City Police Station kag magapangatubang sa kaso nga alarm ang scandal.
