DTI, ginpasiguro nga wala sang pagtaas sa presyo sang mga pagapanguna nga balaklon sa nagahilapit nga pista minatay

Ginklaro sang Department of Trade and Industry (DTI) nga wala sang pagtaas sa presyo sang mga nagapanguna nga balaklon sa nagahilapit nga Pista Minatay.

Suno kay Trade Secretary Cristina Roque, nagapabilin nga estable ang presyo sang mga produkto, lakip na ang kandila, bottled water kag iban pa nga kinahanglanon sang publiko.

Samtang, padayon nga ginamonitor sang DTI ang mga supermarkets sa pungsod agud masiguro nga nagapabilin sa husto ang presyo ang mga balaklon.

Ginahingyo man sang ahensya sa publiko nga magpadayon sa pagmonitor sang presyo sang mga produkto kag magreport gilayon kon may makita nga paglapas sa nagapatuman nga mga regulasyon.