Nakuha sang Filipino para swimmer nga si Ernie Gawilan ang una nga gold medal sang Pilipinas sa 5th Asian Para Games matapos magdaog sa men’s 400-meter freestyle S7 sa Nagoya, Japan.
Ang 35-anyos nga si Gawilan nakarekord sang oras nga 4 minutes kag 56.72 seconda agud makuha ang iya ikatlo nga sunod-sunod nga bulawan sa event kag ikalima sa kabilugan sa Asian Para Games.
Suno sa national para swimming coach nga si Tony Ong, nakakuha man si Gawilan sang lugar sa 2028 Los Angeles Paralympics paagi sa iya tion.
Gindedikar sang tumandok sang Davao City ang kadalag-an sa iya asawa kag anak nga si Eliana.
May duha pa ka events si Gawilan nga pagasakupan sa amo nga kompetisyon nga ginalakipan sang men’s 200-meter individual medley SM7 kag men’s 100-meter backstroke S7.
