Maga-upod ang Institute of Integrated Electrical Engineers of the Philippines, Inc. (IIEE) – Capiz Chapter sa Dugong Bombo 2026: “A Little Pain, A Life to Gain” nga pagahiwaton sa Nobyembre 14, 2026.
Ang bloodletting activity pagapatigayunon sa nagkalain-lain nga lugar sa bug-os nga pungsod.
Sa Capiz, pagahiwaton ini sa SM City Roxas, Arnaldo Boulevard, Barangay Baybay, Roxas City.
Sa interview sang Bombo Radyo kay Engr. Mark Kleene Fantilanan, iya ginpahayag nga indi lamang sa kuryente nagahatag sang serbisyo ang ila organisasyon, kundi nagapakigbahin man sa mga community service kaangay sang Dugong Bombo.
Suno kay Fantilanan, nagaupod sila sa amo nga programa agud makabulig sa mga tawo nga nagakinahanglan sang dugo.
Samtang, sa interview naman sang Bombo Radyo kay Engr. Martin Antonio Pimentel, iya ginpahayag nga kada tuig nagapakigbahin sila sa programa sang Bombo Radyo agud makabulig sa bloodletting activity kag makasuporta sa pagluwas sang kabuhi sang iban.
