Indi magnubo sa 153 ka tawo ang napatay pagkatapos sang pag-atake sang drone sa isa ka merkado sa Abyei, Africa isa ka teritoryo nga ginabaisan sang Sudan kag South Sudan nga nagtuga sang sunog sa malapit nga bodega sang gatong.
Suno sa isa ka lokal nga opisyal sang gobyerno, padayon nga nagataas ang numero sang mga nagkalamatay samtang nagapadayon ang sunog.
Gin-ako naman sang sudan military ang pag-atake, kag ginpahayag nga ginpuntariya sini ang mga fuel tanker nga ginasuspetsahan nagasuplay sa paramilitary group nga Rapid Support Forces.
Samtang, kapin sa 20 ka mga pilason ang gindala sa isa ka ospital, lakip na ang mga yara sa kritikal nga kondisyon nga nag-angkon sang mga paso.
Ginpakamalaut sang gobyerno sang South Sudan ang pag-atake kag nagpanawagan sang proteksyon sa mga sibilyan.
