CAPIZ-Ginpatigayon ang Presidential Assistance for Farmers and Fisherfolk program (PAFFP) sa Hall of Governors sang Capiz Provincial Capitol.
May kabug-usan nga 1,075 ka mga mangunguma kag manugpangisda sa nagkalain-lain nga lugar sa Capiz ang nalakip sa listahan sang mga benepisyaryo sang Presidential Assistance for Farmers and Fisherfolk Program (PAFFP) sang Department of Agriculture pinaagi sa Bureau of Fisheries and Aquatic Resources Region 6 (DA-BFAR 6).
Base sa listahan, lakip sa mga benepisyaryo ang mga kwalipikado nga taga-Ivisan, Panay, Pilar kag Roxas City, nga may tagsa ka nakatalana nga oras sang mga benepisyaryo sa kada lugar.
Sa Roxas City, may kabug-usan nga 86 ka benepisyaryo nga naghalin sa mga barangay sang Barra, Baybay, Cogon, Culasi, Dumolog, Libas, Punta Cogon, Punta Tabuc, Talon kag Tiza.
Ginapatuhoy sang programa ang paghatag sang bulig sa sektor sang agrikultura kag pangisda, nga importante sa pangabuhian sang madamo nga Capiznon.
Apang, kinahanglan pa ang dugang nga kumpirmasyon halin sa Department of Agriculture nahanungod sa eksakto nga porma, kantidad kag iskedyul sang pagpanagtag sang bulig sa mga nalakip nga benepisyaryo.
