Magapatuman ang Philippine National Police (PNP) sang full alert status sa bug-os nga pungsod halin Oktubre 30 tubtob Nobyembre 2 antes sang selebrasyon sang All Saint’s Day kag All Soul’s Day ukon Undas.
Suno kay PCol. Allen Rae Co, ang hepe sang Public Information Office sang Philippine National Police (PNP), ang katuyuan sini amu ang paghimo nga malinong ang paglakat sang mga tawo nga magapauli sa ila mga probinsya, subong man ang pagbisita sang publiko sa mga sementeryo.
Magapalapta ang kapulisan sang 72,501 ka mga pulis, luwas pa ang halos 17,000 ka mga personnel halin sa Armed Forces of the Philippines, Philippine Coast Guard kag pila ka mga ahensya.
May yara na man sang mabaskog nga pagpakig-angut ang mga kapulisan sa nagkalain-lain nga local government units agud masiguro ang pagpatuman sang seguridad.
