Ginbuyagyag sang anay personal assistant ni ex-DPWH Bulacan 1st District Engineer Henry Alcantara nga si Wilt Walter Rosales nga may yara sang acknowledgement receipt sa tagsa ka delivery sang kwarta sa kay Former Ako Bicol party-list Representative Zaldy Co ang ginatawag nga “commitment fee” ukon suhol nga nagabalor sang masobra P1 billion.
Ini ginpahayag ni Rosales kadungan sang ika-anum nga adlaw sang hearing para sa bail petition ni anay House Speaker kag Leyte Representative Martin Romualdez.
Si Romualdez ang nagapangatubang sang kaso nga plunder nga may kaangtanan sa ginakabig nga P7.4 bilyon nga kwarta.
Suno sa testimonya ni Rosales, mahimo nga naglab-ot sa sobra P1 billion ang kabug-usan nga kwarta nga iya gindala kay Co sa walo ka beses nga transakyon.
