Magahulam ang Pilipinas sang $1.5 billion gikan sa Asian Development Bank (ADB) agud mapahagan-hagan ang epekto sang krisis sa Middle East sa mga commuters, pigado nga pamilya kag overseas Filipino workers (OFW).
Suno sa Department of Finance (DOF), ginpirmahan ni Finance Secretary Frederick Go ang kasugtanan para sa 236.64 billion Japanese yen loan nga pagagamiton sa pagsuporta sa Unified Package for Livelihoods, Industry, Food, and Transport ukon UPLIFT program.
Ang mga katuyuan sang programa nagalakip sang pagsiguro sang nagakaigo nga suplay sang langis kag kuryente, paghupot sang pamasahe sa pampubliko nga transportasyon nga barato, kag paghatag sang bulig pinansyal sa mga sektor nga nagakinahanglan gid sini.
Sakop man diri ang repatriation kag pagbulig sa rehabilitation sang mga OFWs nga maapektuhan sang kinagamo sa Middle East.
Suno sa DOF, ang nasambit nga mga tikang ang ginalauman nga makabulig sa pagpahagan-hagan sang galastuhan sang mga pamilya, maprotektahan ang palangabuhian kag mabuhinan ang epekto sang pangkalibutanon nga krisis sa ekonomiya.
