Napaslawan nga makasulod sa quarterfinals si Filipina tennis star Alex Eala matapos napierde sa Russian tennis player nga si Diana Shnaider sa WTA 500 Ningbo Open.
Sa una nga set, hugot ang pagbayluhanay sang puntos sa tunga sang duha apang nakuha ni Shnaider ang momentum sa katapusan nga bahin sang hampang agud madala pauli ang set sa score nga 7-5.
Nagpadayon ang mainit nga hampang sa ikaduha nga set kon sa diin nag-abanse si Eala sang 4-3, apang gilayon ini nga nabawi ni Shnaider paagi sa pagkuha sang match points.
Wala nag-untat si Eala kag madinalag-on nga nasalbar ang pito ka match points sang iya kontra, apang sa katapusan na-seal ni Shnaider ang kadalag-an paagi sa service ace nga may score nga 6-4.
Bangud sa kapierdihan, indi na makasulod sa masunod nga hugnat sang torneo si Eala kag natalana nga magpasakop sa Toray Pan Pacific Open sa Japan umpisa Oktubre 26 tubtub Nobyembre 1.
