Patay ang duha ka miyembro sang Philippine Coast Guard (PCG) matapos ginluthang sang duha ka wala makilala nga mga suspetsado sa dalan Roman Vilo, Poblacion 6, syudad sang Cotabato.
Gindeklarar nga dead on arrival sa Cotabato Regional and Medical Center (CRMC) ang napatay nga ginkilala kay alyas “Rey” kag assign sa PCG Cotabato City Station.
Ang kaupod sini nga ginkilala sa alyas nga “John” ang nakaangkon sang pilas sa wala nga bahin sang iya apang ginbawian man snag kabuhi.
Suno sa inisyal nga report sang pulis, ang mga biktima nagasakay sa isa ka maroon nga Toyota Innova pakadto sa ila estasyon sang gintiro sila sang mga suspek.
Wala naman napilasan ang isa ka indibidwal nga ginkilala sa alyas nga “Mark” kag yara na sa kustodiya sang Police Station 1 para sa dugang nga imbestigasyon.
Duha ka lalaki nga nakasuksok sang itom nga bayo kag mask ang ginapahayag mga suspetsado, nga nagpalagyo sakay sa itom nga Honda XRM nga motorsiklo.
Nagapatigayon na sang follow-up operations ang kapulisan samtang nagapadayon ang crime scene processing kag ang pagkuha sang CCTV footage agud matumod kag madakpan ang yara sa likod sang krimen.
