Tatlo ang kumpirmado nga patay samtang duha naman ang pilason sa nagluntad nga shooting incident sa isa ka fishpond sa Timako Hill, Barangay Kalanganan 2, Cotabato City.
Ginkilala sang kapulisan ang napatay nga si Datu Maceda Taup Yusop, 53 anyos nga negosyante kag ginaalegar main target; Mokamad Tabunaway Lanta sang Lebak, Sultan Kudarat; kag Reni Hamsa, isa ka mangingisda kag residente sang amo nga lugar.
Sa subong padayon nga ginabulong sa Cotabato Regional and Medical Center (CRMC) ang duha ka pilason nga mga trabahador nga ginkilala lamang kanday Daryl kag Jun.
Suno kay Steffi Salanguit, spokesperson sang Police Regional Office–BAR, nagkit-anay ang mga biktima kag mga suspetsado para sa isa ka transaksyon agud magbakal sang mga produkto sang hinali nga nagpanaog sa puti nga Toyota Hilux ang tatlo ka mga armado nga lalaki kag ginluthang ang mga biktima.
Dugang pa ni Salanguit, ginabulubanta nga lima ka mga suspetsado ang ginatumod subong sa padayon nga imbestigasyon sang mga otoridad.
