Pinakauna nga personalized cancer vaccine, nagpakita sang maayo nga resulta sa pagbulong sa balatian

Nagpakita sang positibo nga resulta ang isa ka experimental personalized cancer vaccine matapos nga nag-nubo sang 42% ang risgo sang pagbalik sang melanoma kag iban pa nga sahi cancer.

Suno kay Bombo Denmark Suede, international correspondent  sa Australia, ginpahayag sini ang importansya sang pag-develop sang mas personalized nga mga bulong para sa mga pasyente nga may nasambit nga balatian.

Pahayag pa sini, ang kombinasyon sang nasambit nga bakuna nagpakita sang mas maayo nga resulta sa mga pasyente nga may high-risk melanoma nga una na nga gin-operahan.

Nahibaluan nga gina-develop ang bakuna base sa genetic profile sang tumor sang kada pasyente agud matudluan ang immune system nga kilalahon kag atakehon ang mga celula sang cancer.