Kon diri sa aton sa Pilipinas masami kada dominggo nagasimba gid kita agud nga pangamuyu-an ang aton nga mga sala kag para naman sa katigulangan isa ini ka panada ukon pagtuo sa ila nga kabuhi.
May yara man kon ka isa nga tawo nga kada dominggo nagasimba gid pero ang wala man nagatuo.
Apang mapati ka bala nga didto sa India isa ka lalaki nga si Amar Bharati kilala sa bug-os nga kalibutan sa iya panaad nga huptan ang iya tuo nga kamot nga nagabayaw sa sulod sang kapin sa 50 ka tuig.
Sang 1973, ginbayaan ni Bharati ang iya trabaho sa bangko, bana kag pamilya agud idedikar ang iya kabuhi sa espirituwalidad kag ipakita ang debosyon kay Lord Shiva, isa sa mga diosdios nga ginasimba sa Hinduismo.
Sugod sadto, wala niya ginpaubos ang iya tuo nga kamot, nga sa sulod sang mga dekada nangin simbolo sang iya madugay na nga panaad kag pagpati.
Bangud sa iya pinasahi nga debosyon, nagkalain-lain ang reaksyon sang publiko, kon sa diin para sa iban nagapakita ini sang kadalumon sang pagtuo kag kahanda sa pagsakripisyo para sa mga pagpati.
Samtang, ang iya sugilanon nagabukas man sang isa ka paghinun-anon nahanungod sa pisikal nga mga epekto sang paghupot sang isa ka posisyon sa malawig nga tion kag ang nagkalainlain nga mga paagi sa pagpabutyag sang pagtuo.
