-- ADVERTISEMENT --
Magasugod sa Nobyembre 15, 2026 ang implementasyon sang Closed Fishing Season sa Visayan Sea nga magalawig sang tatlo ka bulan agud makahatag sang tion sa mga isda nga magpadamo.
Sa interview sang Bombo Radyo kay Reynilda Partida, presidente sang Samahan ng Mangingisdang Matatag sa Tarong, iya ginpahayag nga dako ang mabulig ang Closed Fishing Season sa pagpadamo sang mga isda sa kadagatan.
Suno kay Partida, paagi sa temporaryo nga pagdumili sang pagpangisda sa mga lugar nga sakop sang closed season, mahatagan sang kahigayunan ang mga isda nga magpadamo kag makadugang sa ila populasyon.
Ginalauman nga paagi sa sini nga tikang, maprotektahan ang kadagatan kag mabuligan nga mapadayon ang pangabuhian sang mga mangingisda sa mas malawig nga tion.
