Nagapadayon ang pre-screening camp sang Operation Smile Philippines (OSP) agud matumod ang mga pasyente sa Capiz nga may cleft lip ukon bingot kag cleft palate ukon depekto para sa kwalipikado sa libre nga operasyon.
Sa interview sang Bombo Radyo kay Shophia Marie Ranas, RSW, Lead Center Patient Coordinator sang Operation Smile Philippines, iya ginpahayag nga kabahin sang programa ang paghatag sang nagkalain-lain nga serbisyo sa mga pasyente.
Suno kay Ranas, lakip sa mga serbisyo sang programa ang operasyon, dental care kag nutrition services nga ginahatag sa mga kwalipikado nga pasyente sa nagkalain-lain nga bahin sang Pilipinas.
Dugang pa sang natungdan, paagi sa pre-screening, matumod ang mga pasyente nga kwalipikado nga makabaton sang libre nga operasyon kag iban pa nga kinahanglanon nga serbisyo.
