Preparado na ang Bureau of Fire Protection (BFP) Maayon, Capiz, para sa pagsaulog sang Tigkalalag 2026 paagi sa pagpatuman sang Oplan Kaluluwa agud masiguro ang seguridad kag kaluwasan sang publiko.
Sa interview sang Bombo Radyo kay SF03 Dennis H. Pabilico, Acting Municipal Fire Marshal sang BFP-Maayon, iya ginpahayag nga magadeploy sila sang mga personnel sa mga terminal, sementeryo kag simbahan agud magbantay kag magbulig sa publiko sa tion sang Undas.
Suno kay Pabilico, kabahin ini sang ila preparasyon agud masiguro nga malinong kag luwas ang pagdumdom sang mga pamilya sa ila mga pinalangga nga nagtaliwan na.
Nagpanumdom man ini sa publiko nga siguraduhon nga nakapatay kag naka-unplug ang mga de-kuryenteng kagamitan sa panimalay antes maghalin agud malikawan ang posible nga sunog.
