City Veterinarian’s Office, nagpatigayon sang anti-rabies vaccination sa Barangay Banica

Nagpatigayon ang City Veterinarian’s Office sang anti-rabies vaccination sa Barangay Banica agud maprotektahan ang mga kasapatan kag masiguro ang kaluwasan sang mga pumuluyo batok sa rabies.

Paagi sa amo nga programa, ginapabaskog ang responsable nga pag-atipan sang mga kasapatan paagi sa regular nga pagbakuna, nga importante sa paglikaw sa paglapta sang rabies.

Ginpahanumdom man ang mga pet owner nga ang responsable nga pag-atipan sang ila mga ido kag kuring nagasugod sa paghatag sang nagakaigo nga proteksyon kag pag-atipan agud mapabilin nga himsog kag luwas ang mga kasapatan kag ang komunidad.