Wala ginalauman nga magtaas ang mga presyo sang 204 ka mga nagapanguna nga mga balaklon nga ginabantayan sang Department of Trade and Industry (DTI) tubtob Disyembre 31, 2026, kasunod sang kasugtanan sa tunga sang mga manufacturers kag retailers.
Suno kay Trade Secretary Maria Cristina Roque, magapabilin nga stable ang presyo sa pihak sang inflation, pagluya sang piso kag pagbag-o bag-o sang presyo sang enerhiya.
Kakalip sa mga items amo ang mga de-lata, gatas, tinapay, noodles, habon kag iban pa nga mga nagapanguna nga mga produkto.
Ginpasiguro man sang DTI nga bastante ang ila supply gani indi na kinahanglan nga magpanic buying ukon mag-stock sang sobra.
Apang, wala ginalakipan sang kasugtanan ang mga produkto nga kinaandan nga ginapreparar para sa Noche Buena.
