Lauman ang isa pa ka pagtaas sa pamasahe sa eroplano sang mga pasahero sa masunod nga bulan.
Ini matapos ginpasaka sang Civil Aeronautics Board (CAB) ang fuel surcharge sa masunod nga bulan sang Nobyembre.
Suno sa CAB, ginpataas na sa Level 17 ang fuel surcharges humalin Nobyembre 1 tubtub 15.
Mas mataas ang nasambit nga level kon ipaanggid sa nagligad nga Level 16 humalin Oktubre 16 tubtub 31.
Sa Level 17, magasukot ang mga airlines halin sa P559 tubtub P1,635 kada pasahero para sa domestic flights.
Samtang, may yara naman sang dugang nga balayran nga nagalab-ot sa P1,846.10 tubtob P13,726.58 para sa international flights.
Mas mataas ini gikan sa level 16 surcharges nga P525 tubtob P1,535 para sa domestic flights samtang may P1,733.76 tubtob P12,891.29 para sa international flights.
Ang mga surcharges ang ginasukot sang mga airline companies bangud sa patdayon nga pagtaas sang presyo sang oil products sa pungsod.
