MIAANAY, Sigma, Capiz – agapati nga wala sang foul play ang pamilya sang lalaki nga nasapwan nga wala na sang kabuhi sa Sitio Sinandigan Barangay Mianay, Sigma, Capiz.
Ang biktima amo si alyas Edi, 70-anyos, residente sang nasambit nga lugar.
Sa interview sang Bombo Radyo kay Police Major Narciso V Sables Jr. Chief if Police sang Sigma Municipal Police Station, iya ginpahayag nga sa takna sang alas 4:00 sa aga may nagtawag sa ila kun sa diin may nasapway na nga patay nga lalaki nga may kalayuon naman nga lima metros sa iya puluy-an.
Suno kay Sables ang biktima may ginabatyag sadtu nga adlaw kag posible naggwa sa iya balay agud magsag-ob kuntani sang tubig sa madalom nga portion sang bubon nga nahamtang sa dulhugon nga bahin kun sa diin aksidente ini nga hinali nga naka dalin-as ini.
Pahayag pa niya importante nga maghatag sang nagakaigo nga pag-atipan kag pagseguro sa kaluwasan sang mga tigulang, ilabi na kon nagahimo sang mga buluhaton nga mahimo magbutang sa ila sa peligro.
Sa karon ginapahanumdom sa tanan nga kun may mga himata nga may edad na mahimo gd nga i sekyar sila agud nga indi maliwat ang insidente nga natabo.
